Jæja blog.central.is er ekki að virka fyrir mig...búin að opna gömlu góðu síðuna mína aftur

http://www.123.is/dunna

 sjáumst þar!!

Jæja þá er komið að hinni mánaðarlegu bloggfærslu...

Það hefur svo sem ekki mikið merkilegt á mína daga drifið síðasta mánuðinn. Skólinn kláraðist, páskafrí á ísó og núna er ég í upplestrarfríi ásamt því að taka stöku vakt á 12-G.

Ég fór í langþráð páskafrí vestur á Ísafjörðinn góða og voru þetta alveg topp páskar, skemmti mér einum of vel, slappaði allt of mikið af og hitti glás af skemmtilegu fólki. Ég byrjaði á því að fara á Ungfrú Vestfirði þar sem Edith sló í gegn og lenti í 3. sæti. Þetta eru nú allt alveg gullfallegar stelpur en Edith bar af og er ég alveg ótrúlega stolt af henni

Auðvitað hefði hún átt að vinna, engin spurning, þú vannst í mínum huga.

Restin af páskunum fór í tryllt tjútt og mikla drykkju og hef ég ekki skemmt mér svona vel í háa herrans tíð Hitti fullt af gömlum og nýjum vinum á rokkhátíðinni Aldrei fór ég suður sem var by the way algjör snilld!! Ég hef aldrei farið á hana áður en ég mæti sko pottþétt á næsta ári, það er alveg klárt mál!! Eftir páskaafslappelsið kom ég aftur í borgina góðu til að vinna og er búin að vera mestmegnis á næturvöktum. Það er alveg hrikalegt að spila svona með líkamsklukkuna og er eitt víst að næturvaktir og próflærdómur fer alls ekki vel saman!!

Sumardeginum fyrsta var síðan vel fagnað í vikunni með uppáhalds hjúkkuskvísunum mínum. Djamm-Dúnna skemmti sér ærlega og meira til Held að ég sé búin að finna gömlu Dúnnuna aftur sem hefur verið í dvala í dáldinn tíma.

Nú verð ég samt að éta allt ofan í mig sem ég hef áður sagt því að ég er barasta hætt við að flytja til Danmerkur! Allavega hætt í bili. Hef ákveðið að klára hjúkrunarfræðina fyrst að ég er nú byrjuð á henni, á bara 2 ár eftir það er svo stuttur tími Enda langar mig barasta ekkert að yfirgefa hjúkkuskvísurnar mínar alveg strax. Þannig að þið verðið að sætta ykkur við að hafa mig hér aðeins lengur

Until next time..

Þá er ég loksins búin að ljúka ritgerðinni minni og skila, hallelúja!! Byrjaði í skurð- og svæfingarverkefnáminu núna á mánudaginn og það er bara ekki hægt að lýsa því hvað þetta er ótrúlega skemmtilegt og spennandi. Maður er alveg upptjúnnaður eftir daginn. vá!! Maður er búinn að fá að sjá ýmislegt áhugavert en ég er núna svæfingarmegin þannig að ég er að læra allt í sambandi við svæfingar og deyfingar. Svo fær maður að gera svo mikið líka, finnst maður vera alveg obboslega mikilvægur Ég meira að segja fékk að barkaþræða sjúkling í dag, það var svakalegt!! Síðan bara að sjá fólk sofna á 10 sek og að fylgjast með því vakna úr svæfingu er alveg merkilegt! Já...ég ætla sko að starfa við skurð og svæfinu!! Það er alveg á tæru!!

Annars eru bara 3 dagar eftir núna af verknáminu og þar með er skólinn búinn og ég komin í páskafrí! Vá hvað það er skritið!! Hlakka svo til að komast á ísó og slappa af!!

Skrítið hvað maður venst því fljótt að vera ekki með síma!! Er samt rosalega stressuð og get varla sofnað á næturnar því ég er svo hrædd um að sofa yfir mig og þá geti enginn hringt og vakið mig!!  

Ohh well ohh well....ætla að drífa mig í háttinn...og láta mig dreyma um skurðlækningar....

Já ég er næturdýr, enn og aftur!! Er búin að vera á næturvöktum í þessari viku og virðist ekki geta kúplað mig út úr því dæmi!! Kannski engin ástæða fyrir því neitt endilega akkurat núna því ég fer aftur á næturvakt annað kvöld!

Minn elskulegi sími ákvað að yfirgefa þennan heim í gærkvöldi og neitaði að kveikja á sér!! Hata tæki, síma, tölvur, myndavélar, allt þetta drasl, það endar alltaf með því að bila!! Held að þetta sé svona bilunarbylgja að fara í gang!! Fyrst byrjaði myndavélin á því að bila...síðan er ipodinn minn alveg að gefa upp öndina, nú er það síminn og næst verður það örugglega blessuð tölvan!! Ég er ekki einusinni búin að eiga þennan síma í ár!! Usss!! og síðan fór ég með hann í viðgerð í dag og neinei þá er ENGINN lánssími til! Lélega ljóta ogvodafone skítafyrirtæki!! Nú þarf ég að vera símalaus í heila viku!! Veit ekki hvort ég muni lifa það af! Ef einhver er svo elskulegur að eiga gamlan síma í skúffunni heima sem hann getur lánað mér þá væri ég rosa þakklát!! Annars ef þið þurfið að ná í mig þá er það bara msn....

Annars er ég loksins búin að klára verknámið sem var fínasta afþreying og síðan á mánudag byrjar skurð-og svæfingarverknámið, get ekki beðið!! Fór einmitt í kynningu í dag og vá! hvað þetta er heillandi, sjett mig langar bara að ryðjast inn og fá að skera í einhvern!! Ef ég kemst einhverntímann inn í læknisfræðina þá eru skurðlækningar alveg uppi á teningnum!! Ehmm já annars er maður bara búinn að vera að hvíla sig/vinna þessa viku og klára verkefni. Svo á ég nú reyndar stærstu ritgerðina mína eftir sem ég á að skila eftir 3 daga og ég er ekki enn byrjuð, skamm skamm Dúnna!! En eins og ég segi þetta reddast alltaf!!

Núna bíður maður líka spenntur eftir því að komast í langþráð páskafrí heim á Ísafjörð og sletta ærlega úr klaufunum Og líka þar sem ber hæst er að Edith sæta ætlar að vinna þessa bjútíkeppni 4. apríl, það er alveg á hreinu!! Allir muna að kjósa!!!

Hey var að uppgötva nýja þætti...því ég er svo mikið þáttafrík, er búin að vera að skemmta mér vel yfir þáttunum Dirt sem sýndir eru núna með Courtney Cox í aðalhlutverki, mæli með þeim!!

until next time...

Og ungfru Vestfirðir er.......

EDITH GUÐMUNDÓTTIR HANSEN

Nú er kosningin hafin á netinu fyrir ungfru Vestfirði 

Allir að fara á

http://www.netheimar.com/kosning

og gefa fallegustu og sætustu dúllu systur minni 12 stig 

Vá þessi vika er búin að vera alveg ofsalega viðburðarrík eitthvað. Ég held að ég hafi sjaldan gert eins mikið á einni viku, allavega í langan tíma. Er búin að hafa það svo rólegt undanfarna mánuði og eiginlega bara verið ein með sjálfri mér að slappa af og hvíla mig. En þessi vika fór í það að fara út að borða hvert einasta kvöld, hitta gamlar og góðar vinkonur, djamm og síðan auðvitað smá vinna líka.

Hitti Sissú mína í vikunni og sátum við inni á kaffihúsi í marga marga klukkutíma, vá höfðum svo mikið að tala um og ég held að ég hafi bara aldrei verið svona lengi inni á kaffihúsi ever!! Síðan mætti Siggan hress og kát í vikunni og er ég búin að þræða með henni allar búðir í Reykjavík. Á föstudagskvöldið tókst henni síðan að draga mig út á lífið og dönsuðum við fram á rauða nótt!! Síðastliðna nótt fór ég síðan á næturvakt sem var mjög viðburðarrík og ég er bara þunn í dag eftir allt þetta púl í þessari viku.´

Á morgun byrjar svo verknámið! Farin að finna fyrir smá stressi og spenningi, en líst samt rosa vel á þessa deild. Vonum svo bara að ég geri engan skandal í þessu verknámi híhíhí

Takk fyrir vikuna fólk

Þá er enn ein vinnuhelgi af staðin. Mikið verður maður nú þreyttur eitthvað þegar maður hvílir sig ekki almennilega. Letin er alveg að fara með mig, hef ekki gert handtak undanfarna viku. Ekki mætt í ræktina eða neitt. Enda er ég líka að fara að vinna 4. vaktina mína í vikunni í kvöld/nótt þannig að það er kannski ekki skrítið. Annars finnst mér nú svo fínt í vinnunni að ég kvarta nú ekkert yfir því! Hins vegar er það skólinn sem mætti fara betur...var byrjuð svo fínt að læra um daginn en svo er ég búin að taka mér langa pásu! Er að taka aukalega fjarnám í Eðlisfræði 203 frá Versló, sjæse, ég er svo léleg í þessu að það nær engri átt. En ég á sem betur fer litla og klára snúllusystur sem er alveg brilliant á þessu sviði og verður hún ofsótt þangað til að ég næ þessu

Annars get ég bara ekki hætt að hugsa um Danmark, Danmark, Danmark....get ekki beðið!!

Já, nú er 123.is búið að loka fyrir síðuna mína og ég tími ekki að borga 3000 kr til að enduropna hana, no way! Hef sko margt betra við peninginn að gera! Þannig að ef mér skyldi detta í hug að hripa nokkur orð niður geri ég það líklegast hér.

Ég er nú eitthvað ægilega löt í þessu bloggi, kannski útaf því að það er ekkert spennó að gerast í mínu lífi þessa dagana Bara skólinn, læra, ræktin og vinnan. Nú er bara rétt rúmlega vika eftir af skólanum og síðan er það bara verknámið sem tekur við. Skrítið að vera búin svona snemma í þessu, fæ síðan alveg 5 vikna upplestrarfrí fyrir prófin!! Ekki slæmt það. 

Annars eru aðalfréttirnar nú þær að ég er að flytja til Danmerkur í haust Ég og mamma ætlum loksins að láta verða að því að flytja...vá ég get ekki beðið! En þetta mun allt koma í ljós á næstu mánuðum hvað maður fer að gera og svoleiðis, sækja um nám, finna íbúð, finna vinnu og svo framvegis...

Læt þetta gott heita í bili...